ساعة الحظر متتعوضش .. طريقة أحلى كيكة شيكولاتة "شاتو"

كيكة شيكولاته

 
 بعد انتشار فيروس كورونا "كوفيد 19" وتحذير وزارة الصحة من الوجبات الجاهزة او التجمعات فكلنا الفترة ديه بنهتم اوى بأكلنا وأكل أولادنا ونظافته، ومع حظر التجوال قعدتنا فى المنزل فطبيع، كلنا بنجري على التلاجة .. الفرن .. أي حاجة فيها أكل علشان نسلي وقتنا، وده اللي هيخلينا النهاردة نعرفكم طريقة عمل كيكة الشيكولاتة "شاتو"، هتعجب جوزك وولادك وهيطلبوها منك كل شوية
 

وزي ما الشيف شربيني معودنا .. ورقة وقلم واكتبى ورايا ياست الكل:

كوب ونصف لبن 

كوب الا ربع زيت 

٥معالق كاكاو خام 

كوب سكر 

فانليا

كوب ونصف دقيق

٣بيضات

كيس بيكنج بودر

الطريقة :

نضع فى الخلاط كوب ونصف لبن ثم نضيف كوب الأربع زيت ومعهم الكاكاو الخام  وواحدة فانليا، ونقوم  بضربهم فى الخلاط جيد، ثم اخد كوب من الخليط ونتركه على جانب ونعود للخلاط مرة ثانية فنضع ثلاث بيضات وواحدة فانليا أخرى وتخفف جيدا ثم نضع كوب ونصف من الدقيق وكيس بيكنج بودر ونمزج المكونات ببعض جيدا.

نحضر صينية متوسطة الحجم ونقوم بدهنها سمنة جيدا ثم نضع خليط كيكة الشيكولاتة وياسلام مفيش احسن من كده.

نقوم بتسخين الفرن جيدا قبل مانضع الكيكة ثم نضعها لتأخذ مصيرها الجميل لمدة ٣٥دقيقة، ونقوم بوضعها على الشبكة الأولى بالفرن دون تشغيل الشواية ولا نقوم بفتح الفرن قبل انتهاء المدة.

 وزي ما الشيف حسن معودنا على الحركات والتكات .. هنقولك تكات نجاح الكيكة

 

دي شوية تكات بقى علشان تطلعي الكيكة زي ما الكتاب بيقول، صوص الشيكولاته اللى ركناه على جنب هنستخدمه بعد خروج الكيك من الفرن لنسقيها بيه .

وعلشان طعم الكيكة يبقى حلو، لازم الكاكاو يكون نوعه إسباني وده بيتباع عند أي محل لخامات الحلويات وممكن تلاقوها في السوبر ماركت، الكاكاو الإسباني هيخليكي تحسي إنك بتاكلي هوهوز أو تودو 😍😍.

الحاجة التانية المهمة إنك لما تحطي الزيت على خليط الكيكة وهي بتتضرب في الخلاط، هيخلي الكيكة تقيلة والخليط سميك، في حاجة كمان مهمة إنك تسيحي الشيكولاتة اللي بتحبيها سواء شيكولاتة خام أو كادبوري أو أي نوع تحبيه، مع ربع كوباية لبن ونص معلقة سمنة وبنضيف الصوص اللى أخذناه من الخليط هتبقى هوهوز بمعنى الكلمة