عبير صبري تستفز الجمهور بتصريحات جريئة

عبير صبري

استاءت الفنانة عبير صبرى من تشبيها بالنجمة رانيا يوسف حيث ظهرت الأخيرة بفستان دون بطانة داخلية في مهرجان القاهرة السينمائي، بينما ظهرت عبير وهي تقبل زوجها المحامي أيمن البياع على السجادة الحمراء.

وقالت عبير صبرى خلال حوارها مع إيناس الدغيدى ببرنامج "شيخ الحارة والجريئة" على فضائية "القاهرة والناس" :"مفيش مقارنة بين وبين رانيا يوسف واناببوس جوزى حلالى وده طبيعى انا فرحانه وهو فرحان بيا وكنا داخلين ومبسوطين وهو أول مرة يحضر مهرجان وكان فرحان أننا بدأنا نظهر مع بعض في مناسبات اجتماعية".

واضافت انها لم تتعمد ان تبوس زوجها على السجادة الحمراء من اجل التصدربالتريندات، قائله:"قبلتى لزوجى كانت تلقائية ولو طلعت تريند فده تريند حلال".

عبير صبري: أنا قمر الزمان 

أكدت عبير صبري أن شكلها طبيعي بنسبة 100% ولم تخضع لعمليات تجميل، قائلة: " أنا مش عاملة تجميل ، أنا قمر الزمان لوحدي، ولا بشد ولا بنفوخ وأنا لسة صغيرة وقمر الزمان، واللي يقول غير كدة يبقى غلط مليار في المية".

وقالت عبير صبري :"أنا طول عمري شكلي كدة وممكن نرجع لليوتيوب وهومش عيب دلوقتي عمليات التجميل ولو عايزة أعمل حاجة هعمل أنا حرة بس شكلى متغيرش من وقت بدايتي الفنية".

واضافت انها قابلت الزعيم عادل إمام  فى بداية مشوارها الفني وجاملهما، قائلة:"وأنا وجه جديد قابلني نجم كبير وقالي أنت خدودك زي سهير رمزي وده كان عادل إمام، وكمان اشتغلت مع أحمد زكى وقالى إنتى شبه جيل ميرفت أمين ونجلاء فتحي ومختلفة عن جيلك الحالي".

عبير صبرى: لو مثلت مشهد اغراء جوزى يحرقنى

اعترفت الفنانة عبير صبري،بأنها لم تقوم بتمثيل مشهد إغراء ساخن جدا مهما كان المقابل المادى لانها تخاف من غضب زوجها، قائله :"ده كان يحرقنى وأنا بترعش من جوزي وبخرج بالساعة وبالمواعيد، وهو خلقه ضيق وعصبي وبخاف من عصبيته".

وقالت ان زوجها تركيبة خاصة جوزي له تركيبة خاصة مبقتش موجودة، قائله:"دلوقتي وجوزي مسيطر فعلا، ومتحكم وعصبي ولكن أنا بحبه وراضية وهفضل راضية على طول، لكن هو مبيضربنيش وهو طيب وحنين جدا".

عبير صبرى تكشف حقيقة تأجيلها الإنجاب

ردت الفنانة عبير صبري، على سؤال المخرجة إيناس الدغيدي، أن تأجيل الإنجاب قرار مفروض عليها، قائله: "مين اللي فرضه عليا، مفيش حد فارض عليا أني أجل الإنجاب بالعكس هو نفسه جدا".

واضافت :"لسه قدامي وقت لو عاوزة وطبعا عديت سن الـ40 سنة، ولسه في فرصة لكن طبيا يبدو أن المسألة مش سهلة بالنسبالي، يعني مش متاحة واضح أنها محتاجة مجهود طبي كبير".
 

وقالت الدغيدى لها :"أن الأطفال حاليا بيجوا في المعامل يعني سهل جداً، قائلة: خلاص نروح نظبط أي حد في المعمل".