 |
| الفنانة داليا البحيري |
داليا البحيري "شكل تاني" في رمضان 2020
فرضت الفنانة داليا البحيري نفسها على الساحة بين نجمات شهر رمضان 2020، عقب تألقها في مسلسل فالنتينو للزعيم عادل إمام، حيث تظهر في دور جديد عليها ولم يسبق لها تقديمه في الوسط الفني.
داليا البحيري تُعيد اكتشاف نفسها مع الزعيم:
أعادت داليا البحيري اكتشاف نفسها مرة أخرى في مسلسل فالنتينو حيث تجسد شخصية فتاة من طنطا تُدعى نور من أحد الأحياء الشعبية وتتعامل مع المحيطين بها بطيبة تصل إلى درجة السذاجة وهو ما يتسبب في مرورها بعدة مواقف في إطار كوميدي إلى أن يقرر عادل إمام رجل الأعمال في المسلسل أن يصطحبها معه إلى القاهرة ثم يتزوج منها.وتزوج فالنتينو من نور "داليا البحيري" في المسلسل بعدما أقنع زوجته عفاف "دلال عبد العزيز"، بأنه سيسافر لأحد دول الخليج من أجل إقناع رجل أعمال بتمويل المدارس التي يمتلكها.
واللافت في المسلسل أن عادل إمام وداليا البحيري يظهران بنفس الاسم وهو نور محمد أحمد فالنتينو.
تدور أحداث المسلسل حول فالنتينو رجل الأعمال الذي يمتلك مجموعة مدارس لكنه يمر بمجموعة من الأزمات والمشاكل باستمرار في إطار كوميدي.
مسلسل فالنتينو من إخراج رامي إمام وتأليف أيمن بهجت قمر، بطولة عادل إمام وداليا البحيري ودلال عبد العزيز وحمدي الميرغني ووفاء صادق وطارق الإبياري ومحمد كيلاني ورانيا محمود ياسين وبدرية طلبة وأحمد فريد وسليمان عيد وإلهام عبد البديع وهدى المفتي.
أزمة "الشبشب" تثير غضب الجمهور ضد داليا البحيري:
أثارت داليا البحيري غضب الجمهور ضدها الفترة الماضية، بعدما كتبت بوست عبر حسابها الرسمي بموقع التواصل الاجتماعي "فيس بوك"، عن العزل المنزلي للحد من انتشار فيروس كورونا.قالت داليا البحيري: "ياري مبقاش أنا محبوسة في البيت أنا وأهلي داخلين على 36 يوما وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد "حيوان" كان مقضيها خروج بيتفسح ولا كان على باله اللي احنا فيه".
أضافت داليا البحيري: "حظر كامل يا ريس لو سمحت أرجوك، واللي حيقولي العمالة اليومية حديله بالشبشب على بقه أنا فاض بيا! أولا معظم المؤسسات الخيرية -وبقول معظم مش كل- بدأوا يشحتوا عليهم من قبل ما رمضان يبدأ، فمحدش يقولي مش حيلاقوا يأكلوا، وكتير منهم بنتحايل عليهم يشتغلوا أصلا طول السنة! خلينا صادقين مع نفسنا شوية كده والنبي! واللي بيشتغلوا في مصانع على عيني وراسي يتعملهم إقامة داخل محل عملهم! غير كدة احنا رايحين في داهية".
واختتمت داليا البحيري البوست بقولها: "لحد دلوقتي ماشين بستر ربنا ومجهودات الدولة العظيمة اللي اتعملت في الأول، بس والله العظيم ده شعب ملوش كتالوج ده لازم يتربط في رجل السرير مش يتحبس بس".
 |
| بوست داليا البحيري الذي آثار أزمة كبيرة |
داليا البحيري: بوست الفيس بوك كان للمقربين فقط
حاولت داليا البحيري احتواء غضب الجماهير وتصحيح الصورة قائلة في فيديو عبر حسابها الرسمي بموقع التواصل الاجتماعي "انستجرام": "أنا من الناس اللي حابسة نفسها في البيت بقالي تقريبًا 36 يوم ومخرجتش إلا في مرات قليلة علشان أخلص حاجات في الملف الضريبي بتاعي، غير كده بطلب كل حاجة ديليفري".وواصلت داليا البحيري: "أنا عملت بوست على الفيس بوك وده للأصدقاء والمقربين، فكنت بتكلم بأريحية وعلى سجيتي كإني قاعدة في أوضة المعيشة، لكن واضح إن في حد من الصحفيين اللي عندي اللي كنت معتبراهم من أصدقائي أخد الكلام ونشره واستقطع جملة تستفز الناس وحطها عنوان".
أضافت داليا البحيري: "أنا مكتبتش حاجة أخجل منها إطلاقًا، اللي حصل إن في ناس كتير نزلت تتسوق في المولات والعتبة والموسكي، وده كان رد فعلي أنا وناس كتير زيي عاوزين يقولوا نفس الكلام، لكن كالعادة أي حد من الوسط الفني بيتهاجم بشكل شرس مع إن إحنا أول ناس في خطوط الدفاع إذا حصل أي كارثة للبلد، أنا عاوزة أشكر الدولة على مجهوداتها في احتواء الفيروس لكن الدولة مش هتشتغل لوحدها، كلنا لازم نوعي الناس إنها تقعد في البيت، ولما ألاقي التصرفات دي من ناس مثقفة وفاهمة ومش مضطرة تنزل من البيت لإن في ناس قالت إني بهاجم العمالة اليومية وده مش صحيح أنا عملت دعايا مع بنك الطعام لدعم العمالية اليومية، وطالبت إن المصانع على وجه التحديد، والأماكن اللي يقدروا يوفروا أماكن إقامة للعمالة اليومية ياريت يعملوا ده لمنع تنقل العمالة وبالتالي نحد من انتشار الفيروس لاقدر الله، ده اللي طلبت بيه وأظن إن مفيهوش أي غلط".
وأتمت حديثها قائلة: "أنا بعذر الناس اللي هاجمتني لإن العنوان اللي نزل في المواقع مستفز، ياريت نسيب الشارع والمواصلات للعمالة اليومية اللي مضطرة فعلًا تنزل، لكن لما ألاقي حد يزاحمهم علشان ينزل يتسوق أو يفسح عياله ده غير مقبول على الإطلاق، عاوزة أشكر الأطباء ربنا يديكم الصحة، الأطباء والممرضين وكل العاملين في قطاع الصحة، ربنا يديكم الصحة ويبارك لكم ويحميكم ويقدركم".
تعليقات
إرسال تعليق